Policia jep detaje nga megaoperacioni “Fokus”: Asgjësuam 20 897 bimë kanabisi

Megaoperacioni për kontrollin e territorit, i shtrirë në Malësinë e Shkodrës, në Lezhë, Krujë dhe Tropojë, në terrene të vështira malore dhe në fshatra të thellë, ka bërë të mundur asgjesimin e 20 897 bimëve  cannabis.

Në megaoperacion janë angazhuar strukturat vendore të policisë dhe grupe të FNSH-ve.

Nga ky operacion janë indetifikuar 11 autorë, , nga të cilët 1 është arrestuar në flagrancë dhe 10 janë shpallur në kërkim.

Megaoperacioni policor antikanabis i koduar “FOKUSI” po vijon pandërprerë në të gjithë vendin, me shërbime nga toka, monitorim nga ajri me dronët e Policisë, si dhe përmes bashkëpunimit të ngushtë me partnerët e GDF-së.

Policia e Shtetit ka bërë një rezyme të megaoperacionit kundër trafikut të drogës të koduar “Fokus”, të shtrirë në Malësinë e Shkodrës, në Lezhë, Krujë dhe Tropojë, si dhe në terrene të vështira malore në fshatrat përreth.

Në komunikatën e policisë, theksohet se gjatë 72 orëve të fundit, janë angazhuar për kontrollin e territorit dhe për asgjësimin e bimëve narkotike, 6000 punonjës policie dhe 75 dronë të cilësisë së lartë.

Si rezultat, janë asgjësuar në total rreth 20 897 bimë cannabis sativa.

Për këto raste kultivimi, janë identifikuar 11 autorë, nga të cilët 1 është arrestuar në flagrancë dhe 10 janë shpallur në kërkim.

• Në Malësinë e Shkodrës, si rezultat i fazës së 12-të të operacionit policor antikanabis të koduar “Alpe të pastra”, u asgjësuan 15 744 bimë narkotike cannabis sativa. Si autorë të dyshuar për rastet e kultivimit, u vu në pranga shtetasi Rr. Q. dhe u shpallën në kërkim 2 shtetas të tjerë.
• Në zona malore të rrethit të Krujës, si rezultat i fazës së 35-të të operacionit policor antikanabis të koduar “Territor i pastër”, u asgjësuan 1909 bimë narkotike cannabis sativa. Si autorë të dyshuar të kultivimit të këtyre bimëve u identifikuan dhe u shpallën në kërkim 2 shtetas.
• Në zona malore të qarkut të Lezhës, si rezultat i fazës së 32-të të operacionit policor antikanabis të koduar “Imazhi”, u asgjësuan 1854 bimë narkotike cannabis sativa. Si autorë të dyshuar të kultivimit të këtyre bimëve u identifikuan dhe u shpallën në kërkim 2 shtetas.
• Në zona malore të rrethit të Tropojës, si rezultat i fazës së 6-të të operacionit policor antikanabis të koduar “Bjeshkët e Nemuna”, u asgjësuan 1390 bimë narkotike cannabis sativa. Si autorë të dyshuar të kultivimit të këtyre bimëve u identifikuan dhe u shpallën në kërkim 4 shtetas.

“Megaoperacioni policor antikanabis i koduar “FOKUSI” po vijon pandërprerë në të gjithë vendin, me shërbime nga toka, monitorim nga ajri me dronët e Policisë, si dhe përmes bashkëpunimit të ngushtë me partnerët e GDF-së.

Policia e Shtetit fton qytetarët që të bashkëpunojnë me Policinë, për përmbushjen e objektivit të megaoperacionit “FOKUSI”, si dhe për denoncimin e çdo paligjshmërie tjetër, pasi vetëm bashkërisht mund të ndërtojmë një ambient të sigurtë”, thuhet në njoftimin e policisë.

LEXONI GJITHASHTU:

• Intervista para vrasjes e kandidatit në Ekuador: Vendin e kontrollon mafia shqiptare
• VIDEO| I riu futet të grabis me armë dyqanin në Durrës, parandalohet tragjedia
• SPAK mbyll hetimet për grupin e Nuredin Dumanit, zbardhen 27 vepra kriminale