Vrasja e kandidatit për president, kush është krimineli famëkeq që e kërcënonte

Forcat e sigurisë në Ekuador transferuan të shtunën në një burg të sigurisë së lartë liderin e një prej bandave më të fuqishme në vend, i akuzuar për kërcënimet ndaj kandidatit për president, i cili u ekzekutua më 9 gusht.

Rreth 4 mijë oficerë të armatosur hynë në burgun tetë në Guajakili në jug të Ekuadorit, ku kryetari i grupit kriminal Los Çonerros, mbahet që prej vitit 2011. Pamjet tregojnë Hose Adolfo Masias, i njohur si “Fito”, teksa shoqërohet nga një grup i madh efektivësh, në masa të rrepta sigurie.

Ekuadori ndodhet në gjendje emergjence që pas vrasjes së Fernando Viavisensio gazetarit të kthyer në politikan dhe që synonte presidencën e vendit.

Një javë përpara se të ekzekutohej në kryeqytetin Kuito, 59 vjeçari kishte denoncuar se ishte kërcënuar nga Fito.

Ekuadori do të zgjedhë më 20 gusht kreun e shtetit, ndërkohë që partia e Viavisensios ka njoftuar se në garë do të hyjë bashkëpunëtori i tij i ngushtë, Andrea Gonzalez.

LEXONI GJITHASHTU:

• Vritet kandidati për president në Ekuador, disa ditë para zgjedhjeve
• Intervista para vrasjes e kandidatit në Ekuador: Vendin e kontrollon mafia shqiptare