Plagoset rëndë motoristi në Berat, ishte duke shpërndarë pica

Një aksident ka ndodhur orët e para të mëngjesit të së martës në lagjen “Çlirim” në Berat.

Një motor që shërben për shpërndarje ushqimesh të shpejta në qytet është goditur me bordurën anësore të rrugës dhe më pas ka rrëshqitur në asfalt për disa metra.

Si pasojë e aksidentit është plagosur rëndë motoristi, i cili është transportuar drejt Spitalit Rajonal Berat, ku ndodhet nën kujdesin e mjekëve.

Në vendngjarje mbërritën menjëherë efektivë të policisë rrugore që po kryejnë edhe këqyrjen e vendit të aksidentit. Burime nga vendngjarja bëjnë me dije se shkak për aksidentin është bërë shpejtësia, prej të cilës drejtuesi i motorit ka humbur kontrollin dhe është përplasur.

LEXONI GJITHASHTU:

• Vodhi dy motorë në bashkëpunim me një të mitur, shpallet në kërkim 44-vjeçari
• Aksident në Vlorë/ Benzi përplas motorin, dy të lënduar