Festa e Birrës në Korçë, policia publikon planin e masave

Policia ka publikuar këtë të mërkurë planin e masave për të ruajtur mbarëvajtjen gjatë Festës së Birrës.

Kjo ngjarje do të zhvillohet nga data 16 gusht deri më 20 në ambientet e brendshme të “Terminalit të Autobusave”, në lagjen nr. 17, si dhe në ambientet e Pazarit të Vjetër, Korçë, nga ora 20:00 deri në orën 01:00.

Njoftimi:

Nga shërbimet e Sektorit të Policisë Rrugore do të merren masa për bllokimin e qarkullimit të automjeteve nga “City Center” deri tek rrethrrotullimi në afërsi të Terminalit, nga ora 18:30-01:00, me përfundimin e aktivitetit.

Orientimi i lëvizjes së automjeteve për në vendet e përcaktuara, për parkim, nga Bashkia Korçë, kryesisht përreth Terminalit të Autobusave dhe tek Pazari i Vjetër, do të bëhet në bashkëpunim me autoritetet bashkiake.

Gjithashtu do të kryhet menaxhimi i trafikut gjatë lëvizjes së mjeteve dhe këmbësorëve, në rrugët: “Midhi Kostani”, “Kiço Greço”, “Marigo Pozio”, në pikat e hyrjes në Terminalin e Autobusave, tek Pazari i Vjetër, si edhe në zonat e tjera përreth ku zhvillohen aktivitetet.

LEXONI GJITHASHTU:

• I riu që prodhoi birrë artizanale, braktisi Italinë dhe u kthye në vendlindje
• Kisha katolike hap ekspozitë në Korçë, pasqyrohen fotot të meshës së parë të 1953