Kundërofensiva ukrainase dhe protestat kundër Putinit, zbardhet raporti i CIA

Në kryeqytete të ndryshme evropiane u mbajtën protesta kundër liderit rus Putin dhe kundër luftës në Ukrainë. Manifestimet përkuan me trevjetorin e helmimit të kritikut të Kremlinit, Alexey Navalny.

Protestuesit mbanin flamuj me ngjyrat bardhë e blu, që simbolizojnë opozitën ruse dhe që përdoret nga shtetasit rusë që luftojnë për Ukrainën.

“Ne arritëm t’u tregojmë të gjithëve se nuk jeni vetëm. Kushdo që është këtu mund ta shohë se ne jemi me ju. Ne mbështesim Navalnyn, mbështesim opozitën, mbështesim paqen në të gjithë botën dhe nuk mbështesim Putin, diktaturën e tij dhe luftën”, deklaroi Kirill Tsimkarzhenski, student rus në Berlin.

Në të njëjtën kohë, disa media perëndimore kanë deklaruar se kundërofensiva ukrainas ka hyrë në ngërç. Në veçanti kanë qenë “The Economist” dhe “The Ëashington Post” që kanë publikuar artikuj të ngjashëm.

“Washington Post” citon një raport të inteligjencës amerikane, që thotë se Kievi nuk do të mund t’i arrijë objektivat e tij së shpejti, sidomos marrjen e Melitopolit, një port i rëndësishëm, që mund t’i ndante territoret e pushtuara në dy.

LEXONI GJITHASHTU:

• “Sytë” e Ukrainës, njësia speciale që drejton dronët për operacione zbulimi
• Anija kozmike ruse Luna-25 përplaset në Hënë