“Sytë” e Ukrainës, njësia speciale që drejton dronët për operacione zbulimi

Ukraina ka filluar të përshtatë dronët industrialë për t’i përdorur për operacione zbulimi në fushëbetejë. Një njësi speciale e zbulimit ushtarak drejton dronët ‘Matrice 300’, të cilët janë shndërruar në sytë e forcave ukrainase, duke pikasur pozicionet ruse në distanca të mëdha.

Mes luftimesh që vazhdojnë në Ukrainë të dhënat e zbulimit të marra nëpërmjet dronëve janë bërë një mjet i rëndësishëm në front.

Njësia speciale e zbulimit ukrainas “Ochi”, ose “Sytë”, dërgon dronët mes bimësisë së dendur në Ukrainën lindore, për të vëzhguar pozicionet ruse deri në pothuajse 20 kilometra përgjatë frontit.

Forcat ukrainase kanë përshtatur kapacitetet e dronëve për të monitoruar lëvizjet e forcave ruse dhe madje edhe për të goditur pozicionet e tyre.

Njësia po e drejton dronin ‘Matrice 300’ mbi pozicionet e forcave ruse duke pikasur një autoblindë transporti.

Këta dronë mund të shohin më larg se modelet tradicionalë ‘Maverick’, por operatorët përballen me sfida në drejtimin e tyre.

LEXONI GJITHASHTU:

• Trikoja me delen e zezë veshur nga Princesha Diana del në ankand
• Zhdukja e kontratës së sterilizimit, Berisha: Akt kriminal, Beqaj fshehu vjedhjen