Zhdukja e kontratës së sterilizimit, Berisha: Akt kriminal, Beqaj fshehu vjedhjen

Zhdukja e kontratës origjinale të koncesionit të sterilizimit, sipas Sali Berishës është një akt kriminal i shëmtuar për të fshehur gjurmët e vjedhjes e që autor kryesor kanë ish-ministrin Ilir Beqaj.

Përmes një statusi në faqen e vet në Facebook, Berisha shprehet se Beqaj po kërkon të fshehë të gjitha klauzolat e kontratës, në të cilat është bazuar “vjedhja e hapur e parave publike nga koncesionari i tij”.

“Kriminel me mandat ministri, anëtarë qeverie si Beqaj, për të fshehur gjurmët e vjedhjeve të tij të tmerrshme, prej qindra milionë euro me koncesionet e tij, ka zhdukur origjinalin e kontratës së sterilizimit. Me zhdukjen e kontratës origjinale dhe zëvendësimin e saj me një kontratë të falsifikuar, Beqja kërkon të fsheh të gjitha klauzolat e kontratës, në të cilat është bazuar vjedhja e hapur e parave publike nga koncesionari i tij”, shkruan kreu i Rithemelimit, duke e cilësuar veprimin e Beqajt një pasqyre të kabinetit qeveritar Rama.

LEXONI GJITHASHTU

• Hetimet e SPAK për koncesionin e sterilizimit, reagon ish-ministri Ilir Beqaj
• Arrestimet për sterilizimin, Berisha: Vendimet ishin në sirtar, i urdhëroi Rama