“Lëvizje e zgjuar dhe e mençur”, Tabaku përshëndet tërheqjen e kandidatit të BF

Admir Sinamati, kandidati i Bashkë Fitojmë në bashkinë Kukës në zgjedhjet e 14 majit është tërhequr nga kandidimi në zgjedhjet e reja më 24 shtator. Këtë vendim e përshëndeti deputetja e Partisë Demokratike, Jorida Tabaku.

Sipas saj kjo ishte një lëvizje e zgjuar pasi në zgjedhjet e 14 majit u dëshmua se lufta brenda vetes nuk lejoi fokusin te fitorja, gjë që Tabaku thotë se përbën një armë më shumë në duart e qeverisë.

“Partia Demokratike ka detyrë të shkojë në zgjedhjet e parakohshme në Kukës me një kandidat dinjitoz, me integritet të përbashkët për të gjithë opozitën. Përgjegjësia përpara shqiptarëve është shumë herë më e madhe se sa egoja e kujtdo,” – shkroi Tabaku në një postim në faqen e saj zyrtare në Facebook.

LEXONI GJITHASHTU:

• Garoi më 14 maj në Kukës, kandidati i Bashkë Fitojmë tërhiqet nga Primaret
• Tabaku: Rritja me 20% e çmimit të vajit të ullirit për eksport, hap pozitiv