Inteligjenca artificiale “kërcënon” 8.4 milionë punëtor në Itali

“Zhvillimi i inteligjencës artificiale (AI) kërcënon 8.4 milionë punëtorë në Itali”, kështu thuhet në  një studim të publikuar këtë të enjte nga Konfederata e Zejtarëve Italianë.

Sipas Ansa.it në studim thuhet se 36.2% e fuqisë punëtore në Itali do të vuajnë pasojat e procesit të transformimit teknologjik dhe automatizimit.

Rajoni më i kërcënuar i Italisë është Lombardia, e ndjekur menjëherë nga rajoni i Lacios.

Presidenti i Konfederatës së Zejtarëve Italianë, Marco Granelli, megjithatë beson se përparimi në zhvillimin e AI nuk duhet të shkaktojë frikë.

“Ne nuk duhet të kemi frikë nga inteligjenca artificiale, por përkundrazi ta menaxhojmë atë si një mjeshtër të aftë”, pohon Granelli.

Hulumtime të ngjashme në Gjermani, Francë dhe Luksemburg treguan se deri në 60 përqind e punëtorëve kërcënohen nga përparimi i AI.

LEXONI GJITHASHTU:

• Qeveria miraton dëmshpërblim për ish-të dënuarit politik, përfitojnë 9 subjekte
• Përdhunoi dy nxënëse motra, ish-drejtoresha izraelite dënohet me 15 vite burg