Rusët refuzojnë të luftojnë, 100 ushtarë të dënuar në javë

Numri i lartë i dënimeve të ushtarëve rusë që refuzojnë të luftojnë tregon gjendjen e rëndë të moralit në ushtrinë ruse.

Kështu ka deklaruar Ministria britanike e Mbrojtjes në buletinin e përditshëm, ku i referohet rastit të dy ushtarëve rusë që më 25 gusht u dënuan nga një gjykatë ushtarake me 2 vjet burg në një koloni penale, pasi refuzuan t’i bindeshin urdhrit për t’u kthyer në frontin e luftës në Ukrainë.

Gjithashtu, më 18 korrik, vijojnë ekspertët londinezë, disa media kishin raportuar se Rusia po dënonte thuajse 100 ushtarë në javë, të cilët refuzonin të luftonin.

“Nëse kjo tendencë vazhdon, atëherë do të ketë rreth 5 mijë e 200 dënime në vit për refuzim të pjesëmarrjes në luftime”, vijon dokumenti.

Sipas tij, kjo situatë reflekton mungesën e stërvitjes, të motivimit dhe verifikimin e situatave stresuese me të cilat trupat ruse duhet të përballen përgjatë gjithë frontit ukrainas.

Megjithëse disa ushtarë kanë refuzuar të luftojnë dhe shkalla e dëmtimit mbetet e lartë, Rusia ka të ngjarë të zbusë humbjet e saj duke dërguar një masë ushtarësh të patrajnuar në vijat e frontit – mbyllet raportimi i Ministrisë britanike të Mbrojtjes.

LEXONI GJITHASHTU:

• Nga lufta, në pushime: 23 mijë ukrainas dhe 8000 rusë vizituan Shqipërinë këtë vit
• Ukraina çliron fshatin e rëndësishëm, Moska arreston 2 rusë për spiunazh