Ukraina çliron fshatin e rëndësishëm, Moska arreston 2 rusë për spiunazh

Ukraina ka konfirmuar se ka përfunduar çlirimin e fshatit të rëndësishëm Robotine, në jug të frontit në Zaporizhias.

Njoftimi shënon hapin më të fundit të një avancimi gradual që synon përçarjen e vijave ruse që mbrojnë rrugën për në Krime.

Por arritja e progresit në zonë është e ngadaltë dhe trupat vendase duhet të pastrojnë fushat e minuara.

Ndërkohë, në një front tjetër beteje në veri-lindje të Ukrainës, banorët po u rezistojnë thirrjeve për evakuim. Në fshatin e Kupjanskut, pavarësisht intensifikimit të operacioneve ruse, banorët insistojnë për të qëndruar.

Arsyet variojnë nga frika e varfërisë dhe vetmisë nëse largohen deri tek refuzimi i hapur për të braktisur shtëpitë.

Ata thonë se do përpiqen të bëjnë një jetë sa më normale.

Ndërkohë, presidenti Zelensky ka shprehur shpresën e tij për mbajtjen e zgjedhjeve vitin e ardhshëm. Në përpjekje për të treguar dallimin nga presidenti rus Putin, ai ka thënë se zgjedhjet në kohë lufte mund të zhvillohen.

Nga ana tjetër, pala ruse raportoi se kishte rrëzuar dy dronë ukrainas që po fluturonin mbi Krimenë e aneksuar.

Gjithashtu, Moska bëri me dije se ka arrestuar dy shtetas rusë, njëri prej të cilëve i punësuar në konsullatën amerikane në Vladivostok, për kalim të informacioneve luftarake tek diplomatët amerikanë.

LEXONI GJITHASHTU:

• Gjenden“kutitë e zeza” në avionin e Prigozhin, biseda e stuardjesës me familjen
• Inteligjenca amerikane: Një shpërthim i qëllimshëm rrëzoi avionin e Prigozhin