Lëvizte me automjet në trotuar, e “pëson” shoferi në Durrës

Policia e Durrësit ka gjobitur me masë administrative 18 mijë lekë të reja, drejtuesin e një mjeti i cili u filmua nga qytetarët duke lëvizur me automjet në trotuar.

Përmes një komunikae zyrtare policia bën me dije se menjëherë pas bërjes publike të videos në portale, ku një automjet lëvizte në zonën e përcaktuar për këmbësorët në Durrës, ka bërë identifikimin dhe gjobitjen e drejtuesit të makinës.

“Në lidhje me një video të postuar në një portal në të cilën shfaqet një automjet duke lëvizur në trotuar, ju informojmë se:

Menjëherë pas publikimit të videos, shërbimet e Sektorit të Qarkullimit Rrugor të DVP Durrës kanë kryer verifikimet për automjetin dhe kanë ndëshkuar drejtuesin e tij, me masën administrative 18 000 lekë të rinj, bazuar në Kodin Rrugor.

Drejtoria Vendore e Policisë Durrës fton qytetarët të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë, konform ligjit dhe me paanshmëri”, thuhet në njoftimin e policisë.

LEXONI GJITHASHTU:

• E zuri poshtë traktori teksa punonte, humb jetën 45-vjeçari në Dimal
• Aksidentoi për vdekje këmbësorin dhe u largua nga vendngjarja, arrestohet 34-vjeçari