Ndërron jetë miliarderi Al Fayed, i biri iu vra në aksident me princeshë Dianën

Miliarderi egjiptian, Mohammed al Fayed, ish-pronari i kompanisë së njohur Harrods, ka vdekur në moshën 94-vjeçare. Mohammed ishte babai i Dodji Al Fayed i cili vdiq më 31 gusht 1997 në një aksident automobilistik së bashku me Dianën, Princeshën e Uellsit.

I lindur në Egjipt, Mohamed al Fayed ndërtoi një perandori biznesi në Lindjen e Mesme përpara se të transferohej në Mbretërinë e Bashkuar në vitet 1970.

Pasi djali i tij i madh Dodi vdiq në një aksident me makinë së bashku me Princeshën Diana, Al Fayed kaloi vite duke hetuar rrethanat e vdekjes së tyre. Provat e tij në hetimin në shkurt 2008 përfshinin pretendime se vdekjet ishin pasojë e urdhrave të Princit Philip dhe me bashkëpunimin e shërbimeve sekrete britanike MI6.

Në vitin 2010, Al Fayed i shiti Harrods fondit të pasurisë sovrane të Katarit. Gati gjysma e çmimit të blerjes u përdor për të shlyer borxhet e kompanisë. Ai e kaloi dekadën e fundit të jetës së tij kryesisht jashtë syve të publikut, duke jetuar në rezidencën e tij në Surrey me gruan e tij, Heini. Mohamed Al Fayed ishte pronar i klubit të futbollit Fulham nga viti 1997 deri në vitin 2013.

LEXONI GJITHASHTU:

• Trikoja me delen e zezë veshur nga Princesha Diana del në ankand
• Dalin në ankand fotot e rralla të princeshës Diana me William-in foshnje