Viktor Orbán kërcënon se do të formojë një lëvizje të re, si rivale e Partisë Popullore Europiane

Kryeministri hungarez Viktor Orbán ka kërcënuar se do të krijojë një lëvizje të re europiane të ekstremit të djathtë, për “tu baraspeshuar me politikat e Macron” dhe bëri thirrje që BE-ja të mbështesë Shtetet e Bashkuara për sa i përket politikave të jashtme, teksa përballet me pyetje në konferencën e tij të përvitshme me gazetarët.

Lideri i Fidesz lavdëroi presidentin Donald Trump dhe kryeministrin Boris Johnson duke i cilësuar si udhëheqës “të rinj” e “të guximshëm”, pasi ka vlerësuar përgjigjen e tyre ndaj Iranit, duke e krahasuar me BE-në, e cila nuk ka qenë “e qartë” mbi këtë çështje.

Gjithashtu, Orbán ka kritikuar ashpër George Soros, duke pretenduar se miliarderi hungarez po ndikonte mbi politikanët e të gjitha institucioneve të BE-së.

Disa nga pikat kryesore për të cilat ka folur Orbán ishin:

• Trajtimi falas i infertilitetit në të ardhmen – por vetëm për hungarezët.
• Brexit do të bëhet një histori suksesi
• Hungaria do vazhdojë të ketë trupa në Irak, për sa kohë të jenë dakord.
• Pellgu i Karpateve mund të prodhojë ushqim dhe ujë të pijshëm për Hungarinë pas ndryshimeve klimatike
• Doktorët dhe infermierët do të kenë rritje rrogash në mënyrë që të mos largohen nga Hungaria

“Partia Popullore Europiane po bëhet më e dobët”

Orbán tha se grupimi i Partisë Popullore Europiane, nga i cili është përjashtuar vitin e shkuar pas publikimit të një posteri elektoral që sugjeronte se Jean-Claude Juncker ishte kontrollohej nga Sorosi, po bëhej tepër liberal dhe socialist.

“PPE po humb influencë, po bëhet më e dobët”, iu tha ai gazetarëve, duke thënë se partia nuk ishte duke bërë mjaftueshëm “për të mbrojtur vlerat”.

“Nëse PPE-ja nuk është e aftë të ndryshojë veten, atëherë ne do të nisim diçka të re në politikën e BE-së për tu baraspeshuar me politikat e presidentit francez Macron” tha Orbán.