Spostohet derbi i kryeqytetit Partizani-Tirana, ja kur do luhet

Ndeshja mes Partizanit dhe Tiranës do të luhet në 19 tetor në “Air Albania Stadium”, kështu ka lajmëruar FSHF me anë të një postimi në faqen e saj zyrtare.

Spostimi i ndeshjes në këtë datë ka qenë kërkesë si e Partizanit si organizator po ashtu edhe e klubit Tirana, në mënyrë që më shumë tifozë të kenë mundësi ta ndjekin ndeshjen nga stadiumi.

Njoftimi i FSHF

Organizimi i derbit të kryeqytetit dhe mbarëvajtja sa më e sukseshme e kësaj ndeshjeje të rëndësishme ka mbledhur ditën e sotme drejtuesit më të lartë të dy klubeve, përfaqësuesit e Policisë së Shtetit dhe drejtuesit e Departamentit të Garave në Federatën Shqiptare të Futbollit.

Partizani si organizator dhe klubi Tirana kanë bërë kërkesë që ndeshja Partizani-Tirana e vlefshme për javën e gjashtë të Abissnet Superiore, e planifikuar për tu luajtur më datë 26 shtator, të spostohet për datë 19 tetor 2023, që ti japë mundësi tifozëve të shumtë të të dy klubeve ta ndjekin ndeshjen në “Air Albania Stadium”.

LEXONI GJITHASHTU:

• EMRI| Bëri shkelje në tendera, arrestohet ish-drejtori i burgut në Lushnjë
• McGonigal pranon akuzat e lidhura me Shqipërinë, mori 225 mijë dollarë