Dosja 339 l GJKKO dënon grupin e Avdylajve, 125 vite burg për 17 persona

Gjykata Kundër Korrupsionit dhe Krimit të Organizuar ka dhënë sot vendimin për të akuzuarit e dosjes 339 që kanë të bëjnë me trafikun e drogës. GJKKO ka dënuar 17 të pandehur me 125 vite burg në total.

Të dënuarit janë persona të përfshirë në laboratorin e heroinës të zbuluar në fshatin Brenogë të Hasit.

Mes personave të dënuar sot nga GJKKO janë Altin Avdyli, i cili ka marrë 6 vjet e 8 muaj burg, emri i të cilit është përmendur shpesh në akuzat politike për manipulimin e zgjedhjeve.

Një tjetër i dënuar është vëllai i ish-deputetit të Partisë Socialiste, Arben Ndoka, Gjevi Ndoka, i cili ka  marrë një dënim prej 8 vjet e 8 muaj burg.

Personat e dënuar u arrestuan në shtator 2018 në operacionin “Volvo-4” pas përgjimeve për dyshime në përfshirjen e trafiku të drogës. Pikërisht nga përgjimet u zbulua se disa prej të akuzuarve ishin përfshirë dhe në manipulimin e zgjedhjeve në Qarkun e Durrësit.

Altin Avdylaj dhe grupi i tij akuzohen për trafik droge dhe pjesëmarrje në grup të strukturuar kriminal. Sipas Prokurorisë, ata prodhonin heroinë në laboratorin e Hasit dhe më pas e trafikonin atë jashtë shtetit.

Vendimi i GJKKO-së për dënimin e 17 të pandehurve për dosjen 339 erdhi pasi të akuzuarit pranuar gjykim të shkurtuar, duke përfituar dhe ulje me 1/3 e dënimit. Ndërkohë për pesë të dyshuar po pjesë e këtij grupi, vazhdon procesi i zakonshëm dhe gjyqi është veçuar.

VENDIMI I GJKKO-së:

Gjevi Ndoka               8 vjet 8 muaj

Altin Avdyli                 6 vjet 8 muaj

Esat Mehmeti            10 vjet burg

Petrit Suljemani          8 vjet 8 muaj

Sajmir Sulejmani        8 vjet

Hajri Seferi                 10 vjet 8 muaj

Orges Jahoelezi         6 vjet 8 muaj

Shkëlqim Avdyli         4 vjet 8 muaj

Mario Zeqiri                4 vjet 8 muaj

Elton Shehaj              4 vjet 8 muaj

Ardit Gjyriqi                4 vjet 8 muaj

Admir Hoxha              12 vjet

Hekuran Hoxha          10 vjet 8 muaj

Vehbi Berushi             8 vjet

Anila Shuti                  2 vjet – 25 muaj shërbim prove

Xhavit Shyti                8 vjet

Flamur Çela                8 vjet

Lexoni gjithashtu:

Dosja 339, lëvizja e radhës e Altin Avdylit, kërkon përjashtimin e gjyqtares Shirka

“Dosja 339”, GJKKO shpall moskompetencë për 20 komisionerët e arrestuar për zgjedhjet në Durrës