Samiti/ Gjeta: Kurti nuk është i gatshëm të bëj kompromise për Kosovën

Politologu Altin Gjeta komentoi samitin e Procesit të Berlinit që do të mbahet ditën e nesërme në Tiranë ku i pranishëm do të jetë dhe kreu i qeverisë së Kosovës Albin Kurti.

Në një lidhje të drejtpërdrejt për emisionin “Review” në Euronews Albania, theksoi se Kurti nuk është i gatshëm të bëjë kompromise për Kosovën, duke theksuar se do të marrë vendime të forta që mund të jenë produktive për Kosovën në të ardhmen.

“Unë besoj se Kurti nuk do lëviz shumë nga qëndrimet e tij që i ka bërë të ditura. Ai pret që BE dhe faktori perëndimor të dënojë aktet e Serbisë duke ndërmarrë sanksione dhe do mundohet ta paraqesë veten si një lider i cili nuk është  i gatshëm të bëjë kompromise mbi sovranitetin e Kosovës dhe të shkelë mbi premtimet e tij gjatë karrierës së tij. Mendoj se Kurti po mendon më shumë elektorakisht se sa si një shtetar që ndodhet në moment të vështirë dhe është i gatshëm të marrë vendime të forta që mund të mos jenë afatgjata por mund të rezultojnë produktive për Kosovën”-tha ai.

LEXONI GJITHASHTU: 

• “Albin Kurti me dy standarde”, Spahiu: Ka dhënë sinjale që s’do pranojë asociacionin
• Gjosha: Shqipëria duhet të shfrytëzojë Samitin, të përthith sa më shumë fonde nga BE