Presidenti Joe Biden planifikon të udhëtojë drejt Izraelit

Joe Biden po konsideron fuqishëm një udhëtim në Izrael që në fillim të kësaj jave, sipas tre zyrtarëve amerikanë.

Sipas Sky Neës zyrtarët thanë se planifikimi është duke u zhvilluar, përfshirë në terren në Izrael, për një vizitë të mundshme nga Presidenti Biden. Shtëpia e Bardhë nuk pranoi të komentojë.

Një zëdhënës i Këshillit të Sigurisë Kombëtare nuk iu përgjigj menjëherë një kërkese për koment.

Është e paqartë nëse presidenti do të bënte ndonjë ndalesë shtesë gjatë qëndrimit në rajon, nëse ai do të udhëtonte në Izrael.

Të dielën, Bideni u ftua në Egjipt për një samit ndërkombëtar më 21 tetor, i cili fokusohet në të ardhmen e palestinezëve, sipas një zyrtari amerikan.

Presidenti egjiptian el-Sisi njoftoi samitin të dielën pas takimit me Sekretarin e Shtetit Antony Blinken dhe ka ftuar gjithashtu të gjithë anëtarët e Këshillit të Sigurimit të OKB-së, vendet arabe dhe liderë të tjerë botërorë. Biden foli me Sisin të hënën, sipas Shtëpisë së Bardhë.

NBC News raportoi të dielën se Shtëpia e Bardhë po shqyrtonte një ftesë nga kryeministri izraelit Netanyahu që Biden të udhëtonte në Izrael për një vizitë solidariteti në mes të luftës.

LEXONI GJITHASHTU:

• Ekspertja e ekonomisë: “Djalli” qëndron te faturat e ujit, por ne nuk e shohim
• Sulmi në Bruksel, Macron nga Pallati i Brigadave: Europa jonë është e tronditur