Sulmi në Bruksel, Macron nga Pallati i Brigadave: Europa jonë është e tronditur

Presidenti i Francës, Emmanuel Macron ndodhet në Tiranë në vizitën e tij të parë zyrtare.

Mbrëmjen e së hënës në nder të tij u organizua një pritje në Pallatin e Brigadave nga kryeministri Edi Rama.

Në fjalën e tij Macron e cilësoi shekullore miqësinë mes dy vendeve tona, ndërsa nuk la pa përmendur sulmin terrorist në Francë dhe atë në Belgjikë, që siç tha kanë tronditur Evropën.

“Gjendem këtu para jush ndërkohë që Franca u prek nga një sulm terrorist javën e kaluar, preku një profesor të frëngjishtes. Barbaria goditi përsëri, duke sulmuar ata që mësojnë këtë gjuhë, që prej  shekujsh shpërndan vlera, ndriçim, shpresë dhe juve e përmendët plotësisht këtu. Gjendem këtu para jush ku para disa minutash, Brukseli u godit nga një atentat terrorist që i mori jetën dy evropianëve. Evropa jonë është e tronditur. Kjo tregon evidencën e asaj që ju jeni, evropianë, me zemër, me kulturë për të ardhmen. Vizita e parë dypalësh e një presidenti francez në Shqipëri, është lumturi e madhe t’i përgjigjem ftesës tënde i dashur Edi. Miqësia mes dy popujve tanë është shekullore, ju e përmendet”, tha ai.

LEXONI GJITHASHTU:

• Macron nderon në Tiranë Kadarenë! I dhuron titullin më të lartë francez
• Franca i jep autonominë Korsikës, Macron mesazh banorëve në ishull