Macron nderon në Tiranë Kadarenë! I dhuron titullin më të lartë francez

Presidenti i Francës, Emmanuel Macron i cili mbërriti mbrëmjen e së hënës në Tiranë, i dorëzoi shkrimtarit Ismail Kadare Dekoratën e “Oficerit të Madh të Legjionit të Nderit”.

Në ceremoninë e mbajtur në Pallatin e Brigadave, Macron foli më superlativa për letërsinë e Kadaresë që siç tha arriti të mashtronte censurën dhe regjimin përmes metaforës dhe gjuhës gjeniale.

“Për këtë rol si poet i Ballkanit, si rapsod i Europës, si lajmëtar i lirisë, për këtë lidhje drithëruese që ju mishëroni kaq çmueshëm mes Shqipërisë dhe Francës, kam nderin sot t’ju ngre në gradën e oficerit të lartë, në urdhrin e Legjionit të Nderit”, – u shpreh Presidenti francez Macron, teksa i dorëzoi shkrimtarit Ismail Kadare dekoratën e nderit.

Kjo është vizita e parë zyrtare e presidentit franncez në Tiranë.

Ditën e nesërme, Macron do të zhvillojë takime me presidentin Bajram Begaj dhe kryeministrin Edi Rama me të cilin do të ketë edhe një konferencë të përbashkët për shtyp.

LEXONI GJITHASHTU:

• Samiti në Tiranë/ Nënshkruhet marrëveshja për njohjen e kualifikimeve profesionale
• Kryeministrja serbe tregon për vonesën: Isha në foton familjare të Samitit