Franca i jep autonominë Korsikës, Macron mesazh banorëve në ishull

Presidenti francez Emmanuel Macron ka propozuar një formë të kufizuar autonomie për Korsikën gjatë një vizitë në ishullin e Mesdheut. Territori ka qenë pjesë e Francës që nga shekulli i 18-të, por në dekadat e fundit nuk kanë munguar fushatat e dhunshme për pavarësi. Macron dha pak detaje, por foli për ndryshimin e kushtetutës për të pasqyruar identitetin korsikan.

“Le të kemi guximin për të ndërtuar autonomi për Korsikën, brenda Republikës. Kjo autonomi duhet të jetë mjeti për të ndërtuar të ardhmen së bashku, pa shkëputje nga shteti. Nuk do të jetë autonomi kundër shtetit, as autonomi pa shtetin. Por autonomi për Korsikën, brenda Republikës”, tha Macron.

Fjalimi i tij u mirëprit nga asambleja e ishullit. Një aktivist kryesor i autonomisë tha se ishte “i kënaqur, por i kujdesshëm”.

“Të kënaqur, sepse të dëgjosh të flitet për të ardhmen e një komuniteti unik, përfshirjen e ishullit tonë në Kushtetutë, të dëgjosh të flitet për burime të fuqishme për gjuhën dhe tokën, këto janë arsye mjaft të fuqishme për kënaqësi. Në të njëjtën kohë kohë, të kujdesshëm sepse të gjithë e dimë se kjo nuk mjafton në këtë fazë për të garantuar një zgjidhje politike dhe se kemi ende shumë punë për të bërë në muajt në vijim”, tha aktivisti.

Macron propozoi një afat kohor gjashtë mujor për qeverinë franceze dhe partitë lokale për të rënë dakord mbi një tekst për propozimet e autonomisë. Çdo ndryshim në kushtetutë do të kërkonte miratimin e parlamentit francez.

LEXONI GJITHASHTU:

• Osmani pas takimit me ambasadorët e QUINT-it: Serbisë duhet t’i kërkohet llogari
• “Përgatita personalisht gjithçka më 24 shtator”, Radoiçiç: Arsyeja e sulmit
• Milan Radoiçiç konfirmon pjesëmarrjen dhe organizimin e sulmit në Banjskë