Drama e Kosovës, filmi i Bashollit: Të humburit e luftës dhe mentaliteti patriarkal 

Në Festivalin “Sundance”, filmi nga Prishtina me regji të Blerta Bashollit mori çmimin e madh të jurisë, çmimin për regjinë më të mirë dhe çmimin e publikut.

“Në fillim u njoftuam vetëm për çmimin e jurisë, dhe më pas u njoftuam dhe për dy të tjerët, ishte shumë, por – po, ishim të lumtur dhe të motivuar”, thotë regjisorja.

Ndërsa Fahrije Hoti merr patentën dhe krijon biznesin e saj të vogël, asaj i duhet që të përballet me shoqërinë patriarkale sepse sipas këtij mentaliteti i duhej që të qëndronte në shtëpi dhe të respektonte prindërit e bashkëshortit. Ajo madje dhe ofendohej publikisht. 

Blerta Basholli dëgjoi për Fahrije Hotin e vërtetë në një emision televiziv dhe e takoi atë nga afër. Por regjisorja nuk donte që të bënte një dokumentar. Roli kryesor luhet nga aktorja Yllka Gashi.

“Mendoj se është zëri i shumë grave dhe jam e lumtur që zëri i saj do të dëgjohet në të gjithë botën, sepse është një histori suksesi. Në fund të filmit, edhe pse është e trishtueshme ajo që vazhdon të kalojë, edhe gjatë ditëve tona, ajo akoma nuk e di se ku ndodhet burri i saj, pas njëzet viteve, dhe pyet nëse ai do të kthehet? Po sikur ai të jetë akoma gjallë? “, thotë Blerta Basholli.

Filmi shënon debutimin si regjisore të Blerta Bashollit, e cila ka shkruar gjithashtu dhe skenarin.