Shtëpia më e vogël në Londër në shitje për 1 milionë paundë

Shpërfillet dhe mund të mos vihet re. E vendosur mes një klinike dhe një floktoreje, shtëpia më e ngushtë e Londrës identifikohet vetëm nga një brez blu i errët. Por pesëkatëshja e vogël, që është vetëm 1.6 metra në pikën më të ngushtë të saj, është në shitje për plot 950 mijë paundë.

“Shtëpia është thjesht e vecantë dhe unike në llojin e saj. Nuk ka shtëpi të tjera në Londër që janë 2 metra me 3. Ka të tjera që janë po ashtu 5-katëshe, por nuk kanë hapësirën unike, individuale dhe historinë që i vjen nga pas,” – tha Daivd Myers, agjent shitjesh në Londër.

Prona e veçantë, dikur një dyqan kapelesh viktoriane, e pajisur edhe me magazinë, por dhe kushte jetese në katet e sipërme, është ndërtuar nga fundi i shekullit të 19-të ose fillimi i atij të 20-të.

Ajo çka e lidh me të kaluarën është një xham i modës së vjetër në hyrje, e pajisur me një llambë në formën e një kapeleje republike.