Gazetari i Euronews Albania, Ardit Hoxha analizon përgatitjet për fushatën

Ardit Hoxha, gazetar i Euronews Albania tregoi se procesi për regjistrimin e partive ka nisur që prej ditës së enjte, javën e shkuar.

“Ishin dhjetë partitë e para që u regjistruan, çuan kërkesat e tyre pranë Komisionit Qendror të Zgjedhjeve për të marrë pjesë në procesin zgjedhor të 25 prillit,” – tha gazetari ndërkohë që sqaroi se afati është deri në 15 shkurt.

Ndërkohë afati përfundimtar sa i takon koalicioneve është deri në 25 shkurt dhe 6 marsi shënon afatin e fundit të regjistrimit të kandidatëve për deputet.

Gazetari Hoxha sqaroi se duhet të presim ende për koalicione të mundshme siç është rasti i Partisë për Drejtësi Integrim dhe Unitet që pritet të jetë në një koalicion me Partinë Demokratike.

“Pas ndryshimeve kushtetuese është shumë, për mos të thënë e pamundur, e vështirë që një parti e vogël të ketë mundësi për të arrit atë pragun e nxjerrjes së një deputeti,” – u shpreh Ardit Hoxha.

Ai tregoi gjithashtu se si do të funksionojë renditja në lista nga ana teknike.

“Një deputet mund të jetë renditur i pari nga partia por nëse ka marrë më pak vota se katër fituesit e tjerë zbret i fundit dhe nëse nuk është femër do të zëvendësohet nga ky që ka marrë 10 mijë e një vota,” – sqaroi Hoxha.