GJKKO thërret Berishën, avokati i tij: Nuk e kuptoj

Pas njoftimit të GJKKO-së se të martën ka thirrur për të marrë në pyetje Sali Berishën, Euornews Albania iu drejtua avokatit të tij, Genc Gjokutaj i cili tha se nuk e kupton vendimin.

Më herët, teksa mbahej seanca për Jamarbër Malltezin dhe Fatmir Bektashin, Gjokutaj deklaroi për mediat se Sali Berisha nuk ka pasur seancë sot pas vendimi nuk është ekzekutuar dhe është i paligjshëm.

Avokati u shpreh se në momentin që Berisha nuk ka marrë dijeni dhe nuk është ekzekutuar ky vendim, ai nuk është pjesë e procesit.

Malltezi, dhëndri i ish-kryeministrit Sali Berisha u arrestua mbrëmjen e të shtunës në Rinas. Arrestimi u bë me urdhër të SPAK, pas kallëzimit të bërë në vitin 2020 nga ministri i Brendshëm Taulant Balla lidhur me privatizimin e ish klubit sportiv “Partizani”.

Në pranga u vu edhe Fatmir Bektashi, ortak me Malltezin dhe ndërtues i kullave ne ish-kompleksin Partizani. Ndërkohë, Gjykata e Posaçme e Shkallës së Parë për Korrupsionin dhe Krimin e Organizuar, ka vendosur masë detyrim paraqitje dhe ndalim të daljes jashtë shtetit edhe, për ish-kryeministrin Sali Berisha me akuzën e korrupsionit pasiv kryer në bashkëpunim.

LEXONI GJITHASHTU:

• Prençi: Pse Berisha ka fituar sot betejën me epitetin “non grata”
• “Nuk ka marrë dijeni për vendimin”, avokati: Berisha s’është pjesë e procesit