Aksident në Korçë, një i plagosur rëndë

Një aksident ka ndodhur këtë të hënë në Korçë, një shofer humbi kontrollin e mjetit dhe u përplas me murin, si pasojë ai mbeti i lënduar rëndë.

Sipas informacioneve mësohet se ai ka humbur ndjenjat gjatë drejtimit të mjetit, dhe ka ecur më tepër se 100 metra në drejtim të kundërt të rrugës. Drejtuesi ka qenë duke u kthyer nga Bilishti.

Në momentin e përplasjes, ai ka shfaqur probleme shëndetësore duke nxjerrë shkumë nga goja mdërsa tani ndodhet në spital në gjendje të rëndë.

Njoftimi i policisë:

Më datë 23.10.2023, rreth orës 19:30, në aksin rrugor “Korçë-Bilisht”, në afërsi të fshatit Dishnicë, Korçë, shtetasi A. Sh., rreth 30 vjeç, banues në fshatin Zëmblak, Maliq, duke drejtuar automjetin tip “Opel”, dyshohet se ka humbur kontrollin mbi drejtimin e tij dhe automjeti ka dalë nga rruga.

Drejtuesi i automjetit aktualisht ndodhet në spitalin e Korçës, për ndihmë mjekësore.

Grupi hetimor po punon për zbardhjen e rrethanave të aksidentit.

LEXONI GJITHASHTU:

• Berisha: Unë do shkoj në seancë gjyqësore, por ja frika e Edi Ramës
• Berisha për Euronews: Isha përgatitur paër prangosjen e Malltezit, ja si e prita