BSH rrit normën e interesit, Sejko: Inflacioni do kthehet në objektiv 3%

Këshilli Mbikëqyrës i Bankës së Shqipërisë vendosi të rrisë normën bazë të interesit për herë të parë që nga muaji mars i këtij viti, nga 3% në 3.25%.

Në fjalën e tij pas mbledhjes, Guvernatori i Bankës së Shqipërisë, Gent Sejko, tha se presionet e larta inflacioniste nga ekonomia e brendshme mbeten një faktor rreziku për stabilitetin e çmimeve në vend dhe se balanca e rreziqeve ndaj inflacionit është zhvendosur për lart.

“Banka e Shqipërisë ka rritur me 0.25% normën bazë të interesit për lekun duke e çuar atë në 3.25 për qind. Guvernatori i Bankës së Shqipërisë, Gent Sejko e argumentoi vendimmarrjen me faktin se kriza e çmimeve vijon të ndihet e fortë. Banak e Shqipërisë parashikon se me rritjen e sotme, inflacioni do të kthehet në objektivin 3% brenda gjysmës së dytë të vitit të ardhshëm”, deklaroi Gent Sejko.