Trump shpallet i pafajshëm, ish-presidenti i mbijeton gjyqit në senat

Për të dytën herë Donald Trump i shpëton dënimit të një gjyqi politik.

Një ditë më parë Senati amerikan votoi për ta shpallur të pafajshëm ish-presidentin Donald Trump të akuzuar për nxitje rebelimi gjatë sulmit të 6 janarit në Capitol Hill, akuza të ngritura nga Dhoma e Përfaqësuesve.

Senati votoi me 57 vota për ta shpallur ish-presidentin fajtor dhe 43 jo fajtor.

Shtatë republikanë u shkëputën nga radhët e grupit të tyre dhe votuan pro fajësimit.

Është hera e dytë në 12 muaj që Trump i mbijeton një gjyqi në Senat.

Demokratët synonin që ai të mos lejohej të kandidonte përsëri për një post publik, por ish presidenti shpëtoi.