”LDK duhet të reformohet, koka e problemit është Mustafa”, analistja komenton rezultatin e zgjedhjeve në Kosovë

Analistja Donika Emini u shpreh në Euronews Albania se ‘koka’ e problemit të partisë Lidhja Demokratike e Kosovës është kryetari i saj, Isa Mustafa.

Duke iu referuar rezultatit të zgjedhjeve, zonja Emini tha se përqindja e votave për LDK-në nuk ishte parashikuar nga asnjë analist, pasi është shumë e ulët.

“Koka e problemit të LDK-së për momentin është Isa Mustafa, ai i cili ka mbajtur partinë në këtë mënyrë, e ka sjellë në një përqindje as ne, të cilët kemi qëndruar afër procesit nuk kemi menduar që do të ketë një performancë kaq të dobët”, u shpreh zonja Emini.

“LDK-ja vazhdimisht ka shërbyer si një patericë për të formuar koalicione qoftë me PDK-në, me VV-në dhe në të kaluarën me AAK-në, veç për të qëndruar në pushtet”, tha ajo më tej.

Sipas analistes LDK është një parti që meriton që reformohet, sepse në të kundër, në zgjedhjet e ardhshme rrezikon edhe pragun zgjedhor.

Lëvizja Vetëvendosje fitoi bindshëm zgjedhjet në Kosovë.  

92,09% e votave të numëruara nga KQZ në zgjedhjet e Kosovës i japin VV 47,66% të votave, pasuar nga PDK me 17,35% të votave dhe LDK me 13,39%.

Ndërsa AAK-ja mori vetëm 7,54% të votave. 

Lexoni gjithashtu:

Vetëvendosje fiton bindshëm zgjedhjet e Kosovës

Islam Lauka: Fitore historike e Vetëvendosjes dhe dështim historik i kastës së vjetër, sidomos LDK-së