I riu shqiptar josh 13-vjeçaren në Greqi dhe abuzon seksualisht me të

Një 30-vjeçar shqiptar në Greqi ka joshur përmes mesazheve në rrjetet sociale një 13-vjeçare dhe ka abuzuar seksualisht me të.

Lajmin e kanë bërë të ditur mediat e huaja, sipas të cilave, ka qenë nëna e të miturës e cila ka denoncuar në polici ngjarjen.

Sipas informacioneve, gruaja në Evias iu drejtua oficerëve të Departamentit të Sigurisë në Kalkidë të shtunën (11/4) dhe u shpreh se vajza e saj është takuar me 30-vjeçarin përmes rrjeteve sociale majin e kaluar dhe se kur kanë nisur të shkëmbejnë mesazhe.

Po ashtu ajo thotë se 30-vjeçari me këmbëngulje i ka kërkuar asaj që të takoheshin.

Më në fund arriti ta bindte që ta takonte në një vend të izoluar në Nea Styra, ku siç tha ajo, teksa ndodheshin në makinën e tij, ai fillimisht i përkëdheli pjesët intime dhe më pas abuzoi seksualisht me të.

Historia u zbulua kur vëllai i 13-vjeçares gjeti mesazhet e dërguara nga 30-vjeçari dhe njoftoi nënën e saj, e cila kontaktoi autoritetet.

Po ashtu bëhet me dije se 30-vjeçari shqiptar është identifikuar dhe është shpallur në kërkim.

Rasti është ende duke u hetuar, ndërsa është njoftuar edhe prokurori kompetent.