Fahri Musliu: Tema më e nxehtë që do të përballet qeveria Kurti është dialogu Kosovë-Serbi

Njohësi i rrethanave politike në Kosovë, Fahri Musliu u shpreh në Euronews Albania se dialogu me Serbinë është një temat më të nxehta me të cilat do të ballafaqohet qeveria e zotit Albin Kurti.

“Top-temë do të jetë dialogu me Serbinë, pa zgjidhjen e këtij problemi ndërmjet Kosovës dhe Serbisë, në Kosovë nuk mund të ketë as një zhvillim tjetër”, u shpreh zoti Musliu.

Zoti Musliu tha më tej se Kosova duhet t’i zgjidhë menjëherë problemet që ka me Serbinë.

“Kosova duhet t’u bëjë ballë kërkesave të amerikanëve dhe BE që të vazhdojë dialogun dhe të arrijë ato synimet e veta për ta zgjidhur njëherë e përgjithmonë këtë problem me Serbinë”, tha ai. 

Sipas zotit Musliu, ky është është një dialog edhe për rregullimin e brendshëm të Kosovës.

“Zgjidhja e raporteve mes Kosovës dhe Serbisë dhe rrumbullakësimi i këtij procesi varet nga Shtetet e Bashkuara të Amerikës dhe Bashkimi Europian”, tha ai. 

Lexoni gjithashtu:

Isa Mustafa jep dorëheqjen si kryetar i LDK

Lëvizja Vetëvendosje fiton zgjedhjet, rezultati në pak orë, partitë e vjetra mbeten jashtë qeverisë