Sulmet ruse, Tajvani dhe Çekia nënshkruajnë marrëveshje për rindërtimin e Ukrainës

Tajvani dhe Republika Çeke kanë nënshkruar një marrëveshje për të punuar së bashku për të ndihmuar në rindërtimin e Ukrainës, pas shkatërrimeve nga lufta me Rusinë.

Sipas mediave të huaja, marrëveshja do të bëjë që të dy vendet të punojnë së bashku në rindërtimin e sistemeve të ujit dhe energjisë.

“Ne jemi shumë të lumtur që vendi që po na mbron në emrin tonë, Ukraina, po mbështetet nga aleati dhe miku ynë i madh, Tajvani”, tha në një ceremoni i dërguari i qeverisë çeke për rindërtimin e Ukrainës, Tomas Kopecny, në ministrinë e jashtme të Tajvanit.

Marrëveshja vjen pavarësisht mungesës së lidhjeve zyrtare diplomatike mes këtyre vendeve.

Kujtojmë se që prej 24 shkurtit të vitit të kaluar, me mijëra persona, civilë e ushtarakë, kanë humbur jetën në Ukrainë dhe shumë qytete janë shkatërruar plotësisht, pas nisjes së agresionit të pajustifikuar nga ana e Rusisë mbi fqinjin e saj.

LEXONI GJITHASHTU:

• Zelensky: Moska po humbet kontrollin mbi Detin e Zi
• Blinken vesh të birin si Zelensky për Halloween, kritikohet në rrjete sociale