13-vjetori i pavarësisë, ceremoni festive dhe homazhe te Rugova e Jashari

Kosova feston sot 13 vjetorin e pavarësisë.

Ngritja e flamurit në oborrin e Qeverisë në prezencë të Gardës Ceremoniale, ku prezent ishin edhe ushtruesja e detyrës së presidentes, Vjosa Osmani dhe kryeministri në detyrë, Avdullah Hoti, shënoi edhe fillimin e manifestimeve.

Gjatë paraditës, u bënë homazhe pranë varrit të ish-presidentit Rugova si dhe në kompleksin përkujtimor “Adem Jashari” në Prekaz nga Osmani dhe kandidati për kryeministër, Albin Kurti.

Homazhe u bënë edhe pranë varreve të dëshmorëve në vende të ndryshme të Kosovës nga zyrtarë të lartë institucionalë e politik të vendit.

Manifestimi qendror, më rastin e 13 vjetorit të pavarësisë, mbahet në Kazermën e Forcës së Sigurisë së Kosovës “Adem Jashari” në Prishtinë, në praninë edhe të drejtuesve më të lartë institucional, politik, si dhe trupit diplomatik në Kosovë.

Lexoni gjithashtu: 

Kosova feston sot pavarësinë, 13 vite më parë u formua shteti më i ri në Evropë

Presidenti i SHBA uron 13-vjetorin e Pavarësisë: Kosova vazhdon të mbajë një vend të veçantë për familjen Biden

Do të votoja pro bashkimit kombëtar Kosovë-Shqipëri, thotë Albin Kurti për Euronews