Mbi 12 mijë raste të reja me COVID-19 në Itali, autoritetet: Edhe 370 të vdekur në 24 orët e fundit

Janë mbi 12 mijë rastet e reja me coronavirus të regjistruara në Itali në 24 orët e fundit. Të dhënat janë publikuar nga Ministria vendase e Shëndetësisë.

Viktimat llogariten ndërkohë rreth 370. Në total, autoritetet kanë kryer mbi 294 mijë tamponë, me një kuotë rastesh pozitive të rritur në 4.1 për qind, nga 3.8 që ishte një ditë më parë.

Personat që rezultojnë pozitivë në Itali janë aktualisht rreth 389 mijë, ndërsa totali i viktimave është ngjitur në 94 mijë e 540. Të shëruarit ndërkohë janë mbi 2 milionë e 268 mijë, me një rritje prej 16 mijë e 500 krahasuar me ditën e martë; ndërsa të shtruarit në terapinë intensive për shkak të COVID janë mbi 2 mijë, rreth 30 më pak krahasuar me ditën e djeshme.