Përplasja për fletën e votimit, Balla thumbon opozitën: Po ngre alibitë për humbjen e zgjedhjeve

Modeli i zgjedhjes së fletës së votimit ka ngjallur debat mes opozitës dhe mazhorancës në lidhje me betejën elektorale të 25 prillit.

Sekretari i përgjithshëm i Partisë Socialiste, Taulant Balla, i tha gazetares Ilva Tare se varianti që kërkon të aplikojë mazhoranca është ai i Kosovës, i cili është model me numra.

“Unë dua një fletë votimi që të jetë sa më e thjeshtë. Koncepti i draftimit ose i formësimit të një flete votimi është që të jetë sa më e thjeshtë të jetë për qytetarët. Doni opinionin tim? Opinionin im është që fleta më e mirë e votimit është modeli danez. Që ke dy vija, shkruaj emirin e partisë dhe poshtë emrin e kandidatit me dorën tënde. Nga variantet e propozuara është varianti i Kosovës me numra. Varianti më i mirë është varianti i Kosovës. Varianti i Kosovës është varianti i testuar që funksionon. Varianti me emra është varianti i Austrisë”, tha ai.

Ai theksoi mes tjerash se zgjedhja e modelit dhe formës është një punë që i takon KQZ-së. Numri dy i PS-së shtoi se interesi fundor i gjithë kësaj filozofie është, që fleta e votimit të jetë sa më e thjeshtë për qytetarët.

Sipas Ballës, ankesat e opozitës për modelin e fletës së votimit nuk janë as më shumë dhe as më pak, por alibia e radhës për justifikimin e “humbjes në zgjedhje”.

“Kjo është një çështje që duhet të marret KQZ, këtë e përcaktojnë qytetarët. Ne nisemi se kush është me thjesht për qytetarët. Fleta e votimit po ngre ailbitë e humbjes”, theksoi ai.