Kërkohet lejimi i abortit në Poloni, 2 projektligje të reja

E majta polake, në koalicionin që kontrollon Parlamentin e sapo zgjedhur, ka paraqitur dy projektligje që synojnë legalizimin e të drejtës së abortit në vend. Polonia, është një vend tradicionalisht katolik, dhe gjithashtu një prej vendeve më kufizuese në Evropë sa i takon çështjes së abortit.

Deputetja Anna Maria Zukowska tregoi edhe përmbajtjen e dy propozimeve legjislative të paraqitura së fundmi. Njëri parashikon legalizimin e plotë të së drejtës për të ndërprerë shtatzëninë deri në javën e 12-të dhe tjetri dekriminalizon ndihmën ndaj një personi për t’iu nënshtruar procedurës së abortit.

Legalizimi i abortit është pjesë e agjendave të dy nga tre partive pro-evropiane, ajo e së majtës dhe ajo e Koalicionit Qytetar të Donald Tusk.

Në Poloni procedura aktualisht është e autorizuar vetëm në rastet e përdhunimit, incestit ose kur jeta e nënës është në rrezik.

Megjithatë, ligji është aq kufizues sa mjekët shpesh kanë frikë të kryejnë një abort edhe nëse jeta e nënës është në rrezik.

LEXONI GJITHASHTU:

• Autobiografia “The Woman in me”, Britney Spears përmend abortin
• Gruaja aborton pasi burri i gjuajti me shkelm në bark, arrestohet 56-vjeçari