Shkëlqimi dhe rënia e Barcelonës, katalanasit po kalojnë sezonin më të vështirë të dekadës së fundit

Humbja 4-1 në shtëpi përballë PSG në Champions me sa duket shënoi edhe fundit e ciklit të Barcelonës.

Katalanasit tashmë janë shumë pranë eliminimit dhe  veç emrit nuk u ka mbetur asgjë nga shkëlqimi i dikurshëm që kulmoi në vitin 2009 ku arritën të fitonin çdo trofe të mundshëm. Ky kujtim tashmë duket i largët.

Skuadra po kalon një nga sezonet më të vështira. Një gjë të tillë e dëshmojnë dhe rezultatet shumë larg pritshmërive.

Në kampionat, Barcelona ndodhet tetë pikë larg vendit të parë, në “Copa del Rey” duhet të rikuperojë disavantazhin e dy golave ndaj Sevilla, ndërsa në Champions  kualifikimi duket një mision i pamundur.

Problematikat ekonomike janë pasqyruar prej kohësh nga mediat spanjolle, e sikur të mos mjaftonin të gjitha këto goditja e “knock out” mund të jetë largimi i yllit të skuadrës, Leo Messi.

Argjentinasi është në muajt e fundit të kontratës dhe në fushë nuk ka më shkëlqimin  e gjashtë topave të artë. Fundi i sezonit mund të sjellë dhe largimin e kapitenit, që mund të shënojë dhe fundin e një kapitulli.

Lexoni gjithashtu: 

PSG shkatërron Barcelonën, trigolësh i Mbappe, Liverpool me një këmbë në fazën tjetër

Juventus zhgënjen ndaj Portos, bardhezinjtë bien në Portugali, Dortmundi ”fluturon” me Haaland