Kaosi në Kuvend| PS kërkon përjashtimin e 6 deputetëve, zbardhen emrat

Partia Socialiste ka kërkuar përjashtimin e 6 deputetëve të Partisë Demokratike, pas ngjarjeve të ndodhura në seancën parlamentare të së hënës, ku mes flakëve dhe tymit u miratua projektbuxheti për vitin 2024.

Bëhet me dije se socialistët kanë kërkuar përjashtimin e deputetëve Flamur Noka, Gazment Bardhi, Bledion Nallbati, Sorina Koti, Flamur Hoxha dhe Albana Vokshi.

Pritet mbledhja e Sekretariatit për të vendosur mbi masën disiplinore që do të merret ndaj deputetëve.

Kujtojmë se në rastet analoge, pjesa dërrrmuese e deputetëve që kanë shkaktuar tensione në Kuvend janë përjashtuar me masën maksimale, prej 10 ditësh.

Maxhoranca miratoi pa diskutime projektbuxhetin për vitin 2024 brenda 5 minutave të hënën, duke shënuar seancën më të shkurtër të Kuvendit në historinë e parlamentarizmit.

Shkak u bënë flakadanët e ndezur nga opozita një prej të cilëve shpërtheu në flak, pasi ra në ulësen e një prej deputetëve.

I pranishëm në seancë ishte dhe kryeministri Rama, i cili nuk e mori fjalën, por mori pjesë në votimin e projektbuxhetit.

Ka qenë ndërhyrja e gardës me ujë që parandaloi përhapjen e flakëve.