Kreu i OKB-së në Antarktidë: Gjiganti i fjetur tani po zgjohet nga kaosi klimatik

Sekretari i Përgjithshëm i Kombeve të Bashkuara, Antonio Guterres vizitoi Antarktidën këtë fundjavë, ku pa nga afër shkrirjen e shpejtë të akujve në Polin e Jugut.

“Antarktida është quajtur gjigandi i fjetur. Dhe tani po zgjohet nga kaosi klimatik”, deklaroi ai. “Akulli i detit në Antarktidë është në nivelin më të ulët historik”, shtoi Guterres.

Pak ditë përpara Konferencës për Ndryshimet Klimatike në Dubai, Sekretari i Përgjithshëm i OKB-së u bëri thirrje vendeve që të bëjnë përpjekje më të madhe për ta rikthyer planetin në rrugën duhur përballë ngrohjes globale, e cila duhet të kufizohet në 1.5°Celsius deri në vitin 2050, siç kërkohet nga Marrëveshja e Parisit.

LEXONI GJITHASHTU:

• Lufta në Gaza, Guterres: Ka shënuar numrin më të lartë të punonjësve të vrarë të OKB
• Guterres i bën thirrje botës të “ndalë çmendurinë” e ndryshimeve klimatike