Ministri izraelit në Shkup: Bota të bashkohet që ta çlirojmë Gazën nga Hamasi

Ministri i jashtëm izraelit Eli Cohen, ka mbajtur fjalën e tij në samitin e OSBE-së i cili po zhvillohet këtë të enjte në Shkup të Maqedonisë.

Ai tha se bota duhet të bashkohet për të çliruar  Gazën nga Hamasi, pasi sipas tij është piëkrisht ky grup terrorist shkaktari i masakrës që nisi në 7-tetor dhe luftës që e pasoi atë.

“Ne kemi ardhur këtu nga Izraeli. 7 tetori ishte ditë tragjike për shtetin e Izraelit. Ne aktualisht po shohim se i njëjti vend i cili po lufton dhe e mbron Ukrainën, po e bënë të njëjtën ndaj Izraelit, në këtë moment.

Është vetëm një përgjegjës për masakrën e 7 tetorit, pengjet, lufta që filloi, dhe vuajtjet e njerëzve të Gazës, dhe ai është “Hamas-Isis”. Ne do të vazhdojmë të luftojmë deri sa t’i sjellim në shtëpi të gjithë pengjet tona dhe derisa të eliminojmë Hamasin.

Bota duhet të bashkohet për ta çliruar Gazën nga “Hamas-Isis”, në mënyrë që të sigurohet që krime të tilla mos të ndodhin askund në botë”.

Në pyetjen e gazetarëve se sa jeni larg ose afër paqes, ai tha:

“Jemi të vendosur për të vazhduar deri në luftimin përfundimtar të organizatës terroriste dhe do ta bëjmë këtë deri sa të lirohen të gjitha pengjet, pasi ta rrëzojmë do ta luftojmë”.

LEXONI GJITHASHTU:

• Lavrov në Shkup/ Ministri rus nuk kaloi nga Bullgaria, si ndryshoi itinerar avioni
• Çfarë ndodhi në Samitin e OSBE-së në Shkup, si ardhja e Lavrov shkaktoi përçarje