Paolo Maldini thyen heshtjen, rrëfen si e larguan nga Milani

Shkarkimi i Paolo Maldinit dhe Masarës, dy drejtuesve të Milanit 6 muaj më parë bëri jehonë në mediat evropiane. Asnjëri prej tyre nuk kishte vendosur të fliste për ngjarjen, ndërsa tanimë është vetë qendërmbrojtësi legjendë i cili ka thyer heshtjen.

Në një intervistë për Repubblica ka rrefyer dashurinë për këtë ekip.

“Kërkova pak qetësi, por mos diskutoni dashurinë time për Milanin, qe s’do shuhet kurrë. Dinastia ime zgjat 36 vjet nga babai Cesare te fëmijët e mi. U them drejtuesve të rinj, sot komandoni ju dhe keni te drejtë të vendosni, por respektoni historinë e Milanit dhe personat. Klubit i mungon dashuria”.

Shkak për shkarkimin më tepër se rezultatet ishte marrëdhënia e krisur mes palëve.

“Më kerkuan nje plan biznesi për të synuar fitimin e Champions në 3 vjet dhe unë, Massara dhe një miku ynë konsulent ia pergatitëm dhe ia çova si Cardinales ashtu edhe Furlanit, 0 reagime nga ana e tyre.”

5 herë fituesi i Champions ka folur gjithashtu dhe për merkaton e bërë nga kuqezinjtë.

“Tonalin do kisha bërë të pamundurën të mos e shisja, jo se nuk shitet, por sepse s’kishim nevojë. Unë nuk vendosja asgjë, vetëm zgjidhja e këshilloja, firmën e merkatos e hidhte tjetër kush. Edhe në raste huazimesh. Më kontestuan De Ketelaere por ishte djalë i ri me presione. Te Milani dikur nuk donin as Leao, Bennacer dhe Theo Hernandez”.

Paolo Maldini aktualisht është pa detyrë, ndërsa shkarkimi i tij nga Milani bëri që të shpërthenin kritikat ndaj klubit kuqezi, ndërsa pasojat u bënë të dukshme menjëherë.