‘Rrëzohet’ dëbimi i turkut Selami Simsek, Gjykata Administrative hedh poshtë kërkesën e Ministrisë Brendshme

Gjykata Administrative e Apelit ka rrëzuar kërkesën e Ministrisë së Brendshme për turkun Selami Simsek, të cilit pak kohë më parë i refuzoi azilin.

Sipas këtij vendimi, turku tashmë nuk do mund të dëbohet. Euronews Albania kontaktoi përfaqësuesin ligjor të Selami Simsek, Elton Hyseni, i cili tha se tashmë klienti tij do të bëjë sërish kërkesë për azil.

Selami Simsek u arrestua më 8 korrik 2019 teksa nëpërmjet aeroportit të Rinasit, ai tentonte të largohej jashtë vendit me destinacion Kanadanë.

Atij iu sekuestrua pasaporta false e cila e çoi në pranga, ndërsa të njëjtin fat pati edhe shoku i tij Harun Çelik, i cili ndryshe nga bashkëkombësi i tij u depërtua drejt Turqisë.