Nis regjistrimi i popullsisë në Mal të Zi, rreziku nga gjuha serbe

Në Mal të Zi këtë të diel nisi regjistrimi i popullsisë, pas shtyrjes disa herë të datës së parashikuar, pas kërkesës së partive opozitare në vend.

Autoritetet në Mal të Zi thonë se më shumë se 50 për qind e qytetarëve do të pretendojnë se flasin serbisht, çka mund të ndikojë që gjuha serbe të kthehet në shkolla dhe të përdoret zyrtarisht.

Regjistrimi i Popullsisë që nisi këtë të diel mund të rrisë tensionet dhe të rrezikojë thellimin e mëtejshëm të ndarjeve etnike.

Kombi i vogël ballkanik me pak më shumë se 600,000 banorë ka një komunitet të madh etnik serb që përbën 28 për qind të popullsisë. Por shumë frikësohen se forcat pro-ruse mund të përpiqen të shtojnë numrin e njerëzve që identifikohen si serbë.

Nikola Rakoçeviç deputet i Partisë Nacionaliste Malazeze shprehet se  Vuçiç tha në televizion se regjistrimi i popullsisë në Mal të Zi është një nga çështjet kyçe për interesin jetik të Serbisë.

Ndarja midis serbëve etnikë dhe pjesës tjetër të popullsisë është disi e paqartë pasi disa nacionalistë malazezë janë folës serb.

Shumë analistë shprehen se regjistrimi i popullsisë është kërkuar nga partitë pro-serbe.

Mali i Zi fitoi pavarësinë nga Serbia në vitin 2006.  Gjatë zgjedhjeve të këtij viti  një koalicion i ri i partive pro-evropiane dhe pro-serbe mori pushtetin, duke ngritur shumë pikëpyetje për të ardhmen e shtetit ballkanik.

LEXONI GJITHASHTU:

• Mali i Zi liron dy të dyshuar për krime lufte në Kosovë
• Mali i Zi tërheq njohjen për Kosovën?! Flet ministri shqiptar që ka në dorë qeverinë