Luftime shtëpi më shtëpi, Izraeli ashpërson operacionet tokësore dhe ajrore në Gazë

Ofensiva intensive tokësore dhe ajrore e Izraelit në jug të Gazës vazhdon. Trupat thuhet se po veprojnë në zemër të qytetit Khan Junis, ku luftimet po zhvillohen shtëpi më shtëpi. Nga ana tjetër, Hamas po përdor bomba të improvizuara për t’i shkaktuar dëme armikut dhe për të ngadalësuar sulmin.

Si Izraeli edhe Hamasi kanë publikuar pamje të luftimeve. Konflikti ka zhvendosur mijëra palestinezë dhe përkeqësuar situatën e rëndë humanitare në enklavën palestineze. OKB ka bërë thirrje për një armëpushim të menjëhershëm.

Spitalet në Gaza vazhdojnë të marrin të plagosurit, por janë të tejmbushura dhe shpesh herë mund të ofrojnë vetëm mjekimin bazë.

Ministria e Shëndetësisë ka deklaruar se mbi 1.200 palestinezë janë vrarë që nga shfuqizimi i armëpushimit të përkohshëm dhe se rreth 70% e viktimave ishin gra dhe fëmijë.

Kabineti izraelit i sigurisë ka rënë dakord për të lejuar një “shtesë minimale” të karburanteve që hyjnë në Rripin e Gazës, për të parandaluar një kolaps humanitar. Por ai ka theksuar se ishte Hamas që i kishte dhënë jetë luftës me sulmin e 7 tetorit.

OKB deklaron se rreth 1.8 milion persona, mbi 80% e popullsisë prej 2.3 milionë, janë larguar nga shtëpitë e tyre dhe janë zhvendosur disa herë. Ekipet mjekësore janë të shqetësuara nga përhapja e epidemive dhe rritja e presionit për zhvendosje në vendet fqinje.

LEXONI GJIHASHTU: 

• “Skenar apokaliptik”- OKB ngre alarmin për Gazën. Izraeli: Nuk do ndalemi
• Izraeli duhet të ketë kontroll të lartë të sigurisë mbi Gazën, thotë Netanyahu