Forcat izraelite vazhdojnë të avancojnë dhe përhapin operacionet ushtarake në jug të Gazës. Teksa luftimet me militantët e Hamasit vazhdojnë, ashpërsimi i tyre detyroi OKB-në të paralajmërojë për një skenar më apokaliptik, pasi civilët po shtyhen në një zonë gjithnjë e më të vogël të territorit të rrethuar.

Banorët e Gazës, edhe pse të zhvendosur, po evakuohen nga Khan Junis, teksa trupat izraelite po hyjnë në qytet.

Bombardimet e vazhdueshme, që thuhet se godasin bazat e Hamasit, po shkaktojnë shumë viktima. Përfaqësuesit e lëvizjes islamike thonë se 16 mijë e 248 persona janë vrarë në fushatën hakmarrëse të Izraelit ndaj sulmit të 7 tetorit.

“Deri tani kemi eliminuar thuajse gjysmën e regjimentit të komandantëve të Hamasit. Po lajmë hesapet me këdo që rrëmbeu, që vrau, që masakroi, dhunoi dhe dogji djemtë dhe bijat e popullit tonë. Ne nuk do të harrojmë dhe nuk do të falim”, tha Benjamin Netanyahu.

Por pengjet e liruara së fundmi dhe familjarët e izraelitëve që mbahen ende peng nga Hamas thuhet se janë përballur me Netanyahun në një takim të acaruar, ku të pranishmit i kërkuan kryeministrit të japë dorëheqjen.

Familjarët thonë se duan të dëgjojnë nga Netanyahu se ka prioritet shpëtimin e njerëzve të tyre teksa shteti hebre vijon me luftën kundër Hamasit.

LEXONI GJIHASHTU: 

• Luftimet e ashpra në Gazë pamundësojnë furnizimin me ndihma
• Izraeli duhet të ketë kontroll të lartë të sigurisë mbi Gazën, thotë Netanyahu