Ibrahimoviç humbet sfidën me United për Europa League, lëndimi ndaj Romës e mban sulmuesin 3 javë larg fushës  

Sulmuesi Suedez, Zlatan Ibrahimoviç nuk do të jetë në 11-shen startuese për sfidën ndaj Mançester
United për fazën çerekfinale të Europa League.

39-vjeçari do të qëndroj jashtë fushës së blertë deri në tre javë pas një dëmtimi që pësoi të dielën në ndeshjen përball Romës ku fituan me shifrat minimale 2-1.

Ibrahimoviç i cili ka shënuar  plot 29 gola me fanellën e United, u zëvendësua në minutën e 56 në sfidën ndaj kryeqytetasve të Romës.

Ndeshjet e para të Europa League do të luhen më 11 mars, ku në përballje për fazën çerekfinale do të ndeshen “Kuqezinjtë” e Milanit me “Djajt e kuq” të Manchesterit.

Suedezi në këtë sezon me bluzën e Milanit ka shënuar 16 gola në 21 ndeshje të luajtura, i cili ka qenë protagonist në fitoret e “kuqezinjve”, të cilët renditen në vendin e dytë në Serie A me 52 pikë të grumbulluara 4 më pak se Interi i vendit të parë.

Ndërsa Manchester United vijon garën për një pozicion në ligat e Evropës, “Djajt e Kuq” pozicionohen në vendin e dytë në Premier ligë me 50 pikë, ku vazhdojnë rivalitetin me Manchester Cityn e që mban kreun me 62 pikë.

Lexoni gjihashtu: 

Hidhet shorti i Europa League, Manchester United përballet me Milanin në 11 mars