“Rama do jetë kryeministër”, Elisa Spiropali bën llogaritë elektorale: Marrim minimumi 74 mandate

Partia Socialiste në zgjedhjet e përgjithshme parlamentare të 25 prillit synon të marrë minimumi 74 mandate. Kështu u shpreh ministrja për Marrëdhëniet me Parlamentin Elisa Spiropali në studion e emisionit “Ilva Now” në Euronews Albania.

“Ne kemi marrë 74 mandate në 2017 dhe nuk synojmë më pak se kaq. Të gjithë të dhënat e dëshmojnë se PS  do jetë forcë e parë dhe Edi Rama do jetë kryeministër”, theksoi Spiropali.

Ndërsa për qarkun e Tiranës, i cili është edhe qarku më i fortë i përballjes elektorale znj. Spiropali tha se Partia Socialiste synon të marrë 19 mandate, një më shumë se në vitin 2017.

Ministrja e qeverisë Rama shënjestroi partinë Lëvizjen Socialiste për Integrim, ku tha se ka një rënie drastike në elektorat.

“Ne synojmë më shumë e 2017 dhe është plotësisht e mundshme. Në qarkun e Tiranës në 2017 18 mandate dhe synojmë 19 mandate dhe kjo është plotësisht e mundshme. LSI ka një rënie drastike, por kudo në opinionin publik. Punët që kemi bërë në Tiranë, punët që po bëjmë në Kamëz”, theksoi ajo.