Avokati i Fatmir Mediut pas seancës për “Gërdecin”: Çfarë u zbulua nga dëshmitarët

Avokati i ish-ministrit të mbrojtjes Fatmir Mediut, i cili ishte këtë të enjte në seancën e rradhës në GJKKO për çështjen e “Gërdecit”, foli para mediave lidhur me dëshmive të dhëna ditën e sotme.

Ardian Visha tha se gjatë kësaj seance dolën disa të vërteta të rëndësishme.

“E rëndësishmja e parë për ne është fakti se ajo që prezumohet e ndodhur në aktin e ekspertimit, është e paqenë si e tillë. Nuk ka një karrocë të salduar nga i biri. I biri ka thënë se nuk është salduar asnjë karrocë.

Ka momente të rëndësishme të pyetura lidhur me ushtarakët e lartë për sa i përket harmonisë që kanë pasur civilë e ushtarakë, ministri i mbrojtjes gjatë kohës që ka qenë ministër zoti Mediu, sikurse këto seanca të fundit të cilat dëshmojnë korrektesën e këtij raporti dhe disiplinimin e plotë të urdhrave që ka nënshkruar ministri.

Sa i përket pyetjeve të prokurorisë në Amerikë, Patrick Henry, ne kishim vërejtje për një pyetje, pasi përmbante një të pavërtetë si parakusht të pyetjes. Pyetja ishte e formualuar, “a ju paralajmëruan ju për paligjshmërinë e demontimit në një firmë private në territorin shqiptar”, ky është fakt i rremë,-tha avokati Ardian Visha.

LEXONI GJITHASHTU:

• Sot gjyqi për Mediun, pritet të dëshmojnë Shkëlzen Berisha e Aldo Bumçi
• “Do doja ta zhbëja”- Mediu ndjesë për “Gërdecin”: Kam përgjegjësi morale, jo penale