Serbia i dhuron 10 mijë vaksina Bosnjës, pas vonesave nga COVAX

Serbia i ka dorëzuar Bosnjës dhe Hercegovinës 10 mijë vaksina, pas vonesave nga skema ndërkombëtare COVAX.

Zyrtarët kanë pranuar tashmë se shpërndarja nga COVAX ka qenë “më e ngadaltë” nga sa ishte parashikuar për shkak të faktorëve të ndryshme si transporti dhe miratime të nevojshme.

Teksa disa vende më të pasura si Izraeli, Mbretëria e Bashkuar dhe Shtetet e Bashkuar janë në krye të garës për vaksinimin e popullsisë së tyre, vendeve që varen nga COVAX janë ende në pritje.

Bosnja ka kërcënuar se do të hedhë në gjyq programin e COVAX në rast se vaksinat nuk mbërrijnë sipas marrëveshjes.

Porosia prej 1.2 milionë dozash pritej të mbulonte rreth një të tretën e popullsisë.

“Akt solidariteti” nga Serbia

Presidenti i Serbisë, Aleksandar Vucic, udhëtoi drejt Sarajevës për të dorëzuar 10 mijë doza të kompanisë AstraZeneca tek autoritetet mjekësore të vendit.

Vucic e përshkroi këtë lëvizje si një “akt solidariteti”, teksa bëri thirrje për bashkëpunim më të ngushtë midis shteteve të Ballkanit.

“Prisnin vaksina nga BE, por nuk i morëm”, tha Vucic. “Do i falënderojmë kur të marrim vaksinat nga programi COVAX”.

Serbia ka nisur fushatën e vaksinimeve në janar duke përdorur kryesisht vaksinën e prodhuar nga Kina, ashtu si dhe Pfizer-BioNTech, Sputnik V dhe AstraZeneca.

“Presidenti Vucic na bëri një ofertë në një moment kur mekanizmat ndërkombëtare kanë dështuar dhe ne e pranojmë këtë”, tha Sefik Dzaferovic, anëtari boshnjak i presidencës multietnike të Bosnjës.

Ndërsa, përfaqësuesi kroat, Zeljko Komsic, shtoi se “nëse edhe një prej këtyre 5 mijë vaksinave do të shpëtojë një jetë, atëherë ia ka vlejtur”.