Aksidenti tragjik në Prizren, 2 nga viktimat ishin ish-futbollistë

Tre të rinj humbën jetën në një aksident tragjik të ndodhur në orët e para të mbrëmjes së të shtunës në autostradën “Ibrahim Rugova” në Kosovë.

Mediat në Kosovë raportojnë se ngjarja ndodhi afër Prizrenit, ku po zhvilloheshin gara me makina.

Njëra nga makinat ka goditur disa persona të cilët po qëndronin pranë autostradës dhe ishin duke e ndjekur garën.

Mediat në Kosovë shkruajnë se dy nga viktimat Lordi dhe Molosi ishin edhe futbollistë.

Ish-klubi i tyre, ”KF Gjakova” ka reaguar përmes një postimi në Facebook, duke shprehur ngushëllime e tyre familjarëve të viktimave.

“Lajm i kobshëm për të gjithë ne sonte humbën jetën tragjikisht dy ish futbollistët tanë Molos Delija dhe Lordi Syla.

Ne si kryesi klubit Gjakova dhe futbollistët e të gjitha grupmoshave shprehim ngushëllimet më të sinqerta dy familjeve DELIA dhe SYLA për humbjen e dy më të dashurve të tyre.

Qofshit banorë të Xhehnetit Molos dhe Lordi”, thuhet në reagimin e klubit.

LEXONI GJITHASHTU:

• Gara shpejtësie në autostradën “Ibrahim Rugova”, makina përplas për vdekje 3 të rinj
• FOTO| Kush janë viktimat e aksidentit tragjik në Prizren